Kepler to Müller, 16/26 January 1630
Johannes Kepler, “Kepler to Müller, 16/26 January 1630,” Nova Kepleriana 4, January 26, 1630, 72–73, transcribed in Plain Old Text, https://sources.vjbe.net/stable/68txp.
Nova Kepleriana 4 26 Jan, 1630, p. 72–73 Summary
Part of Die Keplerbriefe auf der Nationalbibliothek und auf der Sternwarte in Paris
Kepler reports the arrival of paper from Prague, asks Müller to stop any further Leipzig paper beyond what is ordered, and says the printing of Terrentius's letter from China and of the first pages of the *Ephemerides* has begun.
Source: Johannes Kepler's letter to Philipp Müller written at Sagan on 16/26 January 1630, about paper for his press, the printing of the Jesuit Terrentius's letter from China with his commentary, and the start of work on the Ephemerides. The original is lost; the copy is in the Bibliothèque nationale, Paris (Nouv. acq. lat. 1635, fol. 96; 89, 8. N). First printed in Nova Kepleriana 4, ed. Walther von Dyck and Max Caspar, Abhandlungen der Bayerischen Akademie der Wissenschaften, Math.-naturw. Abteilung 31, no. 1 (Munich, 1927), 72–73.
Transcribed from: the page images of the 1927 printing.
Only the letter is given; the editors’ German summary and notes are left out. [gap] marks a gap in the copy, where the editors think the name of the paper has dropped out. Fractional dates (7/17, old and new style) are written with a slash.
S. P. D.
Clarissime, amicissimeque vir.
Accepi tres epistolas 20, 26. Dec., 4. Jan.
Omnes gratissimam habent officiorum operaeque a te susceptae significationem. Ad eas satis habes responsionis, quod scis esse redditas. De reliquo tanquam super communi, ut est, negocio, ad te refero; ut ex sufficienti notitia lux tibi affulgeat in procuranda papyro. Die 7/17. Jan. tandem mihi redditae sunt octo moles Papyri majoris Pragensis, forma paulo angustiori, quam vestra Lipsensis erat, quae mihi ad Sportulam missa. Si vero habes exemplar Sportulae, papyro alia Pragensi; ea ipsa nunc quoque est forma. Addita promissio adhuc duodecim molium, jam locatarum a Camera Gitschinensi. Tu igitur, primo omnium curam habe indemnitatis tuae, addo et existimationis, fide ea quam de te habent Grossiani, satagis. Praeter hanc, si adhuc res est integra, in praesens quidem, facturam eam, quantum restiterit, inhibe. Nam etsi petii a Gitschinensi Camera, ut 50 florenos Lipsiam mittant, pro ea papyro, quam ut subsidiariam ibi procuraverim: nihil ii tamen respondent. Itaque pro ea, quam jam vel redimisti, vel locasti conficiendam, de meo proprio erit mihi satisfaciendum. Ante diem dictam sumpsimus Epistolam ChinensemThe Epistolium of the Jesuit Johann Terrentius from China (1630), which Kepler printed at Sagan with his commentary. cum commentatiuncula mea exprimendam in papyro [gap] parva. In dedicatione substitimus, retuli enim ad generalem, et joci usurpati et tituli causa. Statim ut recepta papyrus, Ephemeridas sumus adorti, jamque duas habemus paginas unam ex 1630, unam ex 1631. Nam ex 1630 Bartschius semissem tantum Argentorato remisit; pollicitus se alterum semissem, ut postae parceretur, postmissurum. Et retulit Hofcuntius fasciculum allatum ad vestrum cursorem magistrum, quem ipse discedens cum vellet suscipere, jam tabellarium Görlicensem cum eo digressum fuisse. Eum fasciculum spero me abhinc octiduo recepturum. Aut si minus is habet Ephemeridis semissem, tabellarius tamen noster Laubanensis afferret: jam enim alter illi currenti mensis ad finem venit.
Papyrum Lipsiacam, si qua jam parata est, reservabo ad Observationes, distributa ea in tot partes, quot paginas putabo insumpturum exemplar unum.
Satis pro Ephemeridibus lata est Pragensis. Requiretur tamen diligentia a compactoribus, si quatuor impressas in forma majori conjunctum sunt. Properat auriga. Da veniam brevitati! D. Aviano diligenter et officiose gratias ago pro 2 molibus. Aurigas Vratislavienses hic transeuntes rogabo, ut tempori se offerant fusori. Vale. Sagani, 16/26. Jan. 1630.
Cl. Ex. T.
officiose colens
J. Kepler
Mathematicus.
Clarissimo Excellentissimoque Viro Philippo Millero, Medicinae
Licenciato, Professori Philosophiae in Academia Lipsensi,
D. amico benevolentissimo
Leipzig.