Kepler to Müller, 26 August 1630
Johannes Kepler, “Kepler to Müller, 26 August 1630,” Nova Kepleriana 4, August 26, 1630, 76–77, transcribed in Plain Old Text, https://sources.vjbe.net/stable/zq6m1.
Nova Kepleriana 4 26 Aug, 1630, p. 76–77 Summary
Part of Die Keplerbriefe auf der Nationalbibliothek und auf der Sternwarte in Paris
Kepler sends the remaining years of the *Ephemerides*, to 1636, in two casks, with instructions for storing them at Frankfurt and for the entry in the fair catalogue.
Source: Johannes Kepler's letter to Philipp Müller written at Sagan on 26 August 1630, sending the last years of his Ephemerides (to 1636) in casks to Leipzig, with instructions for their sale at the Frankfurt fair. The original is in the Bibliothèque nationale, Paris (Nouv. acq. lat. 1635, fols. 100–101; 89, 8. H. 21), with a copy in the Bibliothèque de l'Observatoire. First printed in Nova Kepleriana 4, ed. Walther von Dyck and Max Caspar, Abhandlungen der Bayerischen Akademie der Wissenschaften, Math.-naturw. Abteilung 31, no. 1 (Munich, 1927), 76–77.
Transcribed from: the page images of the 1927 printing.
Only the letter is given; the editors’ German summary and notes are left out. [struck out:] and [in another hand:] translate the editors’ German notes gestrichen and von anderer Hand.
S. P. D.
Clarissime excellentissimeque Vir, D. amice honorande.
En tandem et annos 29, 34, 35, 36, qui finis est tomi mei Ephemeridum. Exemplaria sunt 600, quot et prius dolium complectebatur annorum 30, 31, 32, 33. Sed ne vacaret locus, addita sunt 350 de anno 1628. Praeterea accipies parvum dolium, in quo sunt exemplaria 70 ab anno 1629 in 36 integra. Nihil enim deest nisi dedicatio in hos annos, qui sunt ex Bartschiano calculo; destinatur autem Patrono meo.
De his sic velim fieri. Si adhuc certi aurigae sunt in promptu, qui Francofurtum eant, illis commendetur pro pretio stato et ab aliis penso dolium utrumque majus et quod Paschate misi et quod jam mitto. Voigtiani exsolvant pro vectura, interimque Francofurti dolia conclusa asservent; donec a me venerit, qui restituta illis vectura mercede dolia repetat.
Et tunc parvum dolium maneat Lipsiae, transportandum Noribergam, ubi iterum scripsero.
Sin autem aurigae abiere, summis precibus rogo, ut parvum dolium cum 70 exempl. commendetur cisiariorum aut mercatorum uni, ut id in nundinis Francofurti sit. D. Bartl. Voigtus, aut suorum hominum aliquis curabit inseri catalogo titulo: Jo. Kepleri [struck out:] (Mathematici Caes.) Ephemeridum in annos XX tomus unus, ab anno 1617 in 1636. Absolutus Sagani in Silesia, anno 1630. Quia nihil Tampachius respondit, dubius sum, utrum profitear in titulo, reperiri apud Tampachium. Nec sane illi permitto, nisi solverit omnes sumptus. Puto autem, non esse necesse, ut inseratur catalogo, ubi reperiatur. Hoc te scire necesse est, si putas te consilium meum emendare posse, quod anni 1617, 18, 19, 20 jam sint Francofurti cum Prolegomenis apud Tampachium, qui dudum mihi renunciavit meos libros, nec hactenus quicquam diversum, ad seria mea postulata, rescripsit. Anni 21, 22, 23, 24, 25 jam sunt impressi, non minus quam a 28 in 36. In anno 1627 jam inceperunt. Supersunt residua de 1627 et totus 1626, qui absolventur intra 3 septimanas. Nihil enim in calculo deest amplius. Tres addo titulos seu praefationes, unum ad 1629 super 8 sequentes, alterum ad 1621 super 8 ab eo jam exactos, et generalem totius tomi, in quo index contentorum.
Si abest Voigtus, aut, si consultius etiam putas, te custodem, et si non, nimium peto, procuratorem doliorum precibus constituo obnixis.
Summa in festinatione perscripsi, domo absens, Sagani, 26. Augusti, anno 1630.
Cl. Ex. T.
officiosissimus
J. Kepler
Mathematicus.
Rogo cum Voigtianis communices
consilia et contenta.
Clarissimo Excellentissimoque Viro D.
Philippo Miller, Medicinae Licentiato,
Academiae Lipsiensis Professori Philosophico, D. Amico meo
pretioso.
Leipzig.
[In another hand:]
Sampt 2 Fäßlein. 4 1/8 Centner.
In abwesen von seinen Hausgenoßen zu erbrechen, und den Inhalt denen Voigtischen zu eröfnen.