# Bartsch to Müller, 30 April 1629

::: {.editorial-note}
Only the Latin is given; the editors' German summary and notes are left out. The 1927 edition prints only extracts. Each paragraph below is one of its extracts, and the omission marks (…) are the editors'. Spaced type, which the editors used for emphasis, is given in italics.
:::

… Me quod attinet, quoniam superioribus mensibus cum Dn. Keplero coram et per litteras de edendis Ephemeridibus nostris multum egi, tandem conclusi, ad 10 ipsi annos primum supputatas eas tradere, ut primo tempore primus Ephemeridum tomus edi possit. Ipse autem dum varias variis in locis occasiones imprimendi quaesivit, tandem etiam conclusit, per Tampachum sumtus refundentem Francofurti eas in lucem dare. Unde ut opinarunt ambo ad futuras nundinas autumnales prodibit Ephemeridum nostrarum tomus ab anno 1617 cum impressis 3 reliquis usque in annum 1636 vel certe 33 inclusive. Et haec est potissima caussa, quod calculum noctes diesque urgere cogor una cum fratre, sicque aliis rebus vacare nequeo. Responsorium sane Dn. Keplerus propterea edidit, quam etiam hac occasione mittere alias proposueram. …

Noluerim operam meam sociam denegare Dn. Keplero, qui praeter alias promissiones non contemnendas praemium laboris non exiguum ipse erogat. Plura quidem meditamur, sed adhuc incerta sunt omnia. Quamprimum in reliquis certi aliquid conclusum fuerit, non celabo. …